لندن میں مظاہرین نے سعودی حکومت کے اقدامات اور شیخ باقر النمر کو سزائے موت دیئے جانے کے اقدام کی حمایت کئے جانے پر حکومت کے خلاف مظاہرہ کیا اورکڑی نکتہ چینی کی- واضح رہے کہ گذشتہ دنوں میں " النمر سول نافرمانی" سے موسوم احتجاج، بحرین کی آل خلیفہ حکومت کے کارندوں اور بحرین میں تعینات سعودی فوجیوں کے لئے ایک بڑے چینلج میں تبدیل ہوگیا ہے- بحرینی حکومت کے مخالف گروہوں نے انقلابی تحریک کی پانچویں سالگرہ کی مناسبت سے لوگوں سے ملک کے تمام شہروں، علاقوں اور دیہاتوں میں "النمر سول نافرمانی" کے نام سے مظاہرے کرنے کی اپیل کی تھی - بحرین کے عوام نے سعودی عرب کے ممتاز عالم دین شیخ باقر النمر کو آل سعود کے ہاتھوں پھانسی کی سزا دیئے جانے کے خلاف وسیع پیمانے پر اس اقدام کی مذمت کی - بحرین میں چودہ فروری دوہزار گیارہ سے آل خلیفہ حکومت کے خلاف عوامی تحریک جاری ہے - عوام، آزادی ، انصاف ، نسلی امتیاز کے خاتمے اور اپنے ملک میں جمہوری نظام حکومت کی تشکیل کا مطالبہ کر رہے ہیں - بحرینی حکومت ، آل سعود حکومت اور بعض عرب ممالک کی مدد سے بحرینی عوام کے مطالبات کو کچل رہی ہے- آل خلیفہ حکومت نے بحرین میں عوامی مظاہروں کا سلسلہ روکنے کے لئے بہت سی سیاسی شخصیتوں کو گرفتار اور ان پر جھوٹا مقدمہ چلا کر انھیں طویل مدت تک جیلوں میں ڈال دیا ہے
0 comments:
Post a Comment