قطر کے دفاعی امور کے مشیر نے حال ہی میں برطانیہ کا دورہ کیا ہے جہاں انہوں نے برطانوی وزیر دفاع مائیکل فالون کے ساتھ دفاعی تعاون کے ایک معاہدے پر دستخط کیے ہیں۔
اس کے علاوہ انہوں نے وہاں کے چیف آف ڈیفنس اسٹاف، جنرل نیکولس ہاؤٹن، فارن اینڈ کامن ویلتھ افیئرز کے سیکرٹری، فیلپ ہیمنڈ اور دوسرے اعلٰی فوجی اہلکاروں اور عہدیداروں کے ساتھ ملاقاتیں کیں اور برطانوی جنگی طیاروں یورو فائٹر ٹائفون کی خریداری اور دوحہ میں برطانوی ملٹری بیس قائم کرنے کے حوالے سے گفتگو کی۔
اس کے علاوہ قطر نے ترکی کے ساتھ ایک معاہدہ کیا ہے جس میں دو طرفہ عسکری تعاون کے علاوہ قطر نے ترکی کو خلیج فارس میں اپنا بیس تفویض کرنے کا بھی اعلان کیا ہے۔
قطر، سعودی عرب اور متحدہ عرب امارات کے درمیان اس قسم کی خاموش رقابت کے باعث قطر مختلف فوجوں کو اپنی سرزمین دئے جارہا ہے تا کہ ان کے سائے تلے خلیج فارس میں دوسرے تمام خلیجی ممالک سے سبقت لے جائے۔ دوسری طرف قطر کی جانب سے خریدا جانے والا جنگی ساز و سامان اس بات کی نشاندہی کرتا ہے کہ وہ عرب امارات اور سعودی عرب کے مقابلے کے لیے تیار ہو رہا ہے۔
0 comments:
Post a Comment